صهیونیسټي پوځیانو په الاقصی جومات کې فلسطینی لمونځ ګوزار له اعتکافه منع کړل

ایکنا – د صهیونیسټي رژيم پوځیانو د کب دمیاشتې د شپاړسمې په مازدیګر یعني دتیرې پنجشنبې په ماښام  د تراویح لمانځه له اقامې وروسته پر فلسطینیو لمون کونکو حمله وکړه او  دوي ئې په زوره له دغه جوماته وویستل  او  ددغه جومات په داخل کې ئې  ددوي د اعتکاف  مخنیوی وکړ.

ایکنانیوز د فلسطین داطلاع رسونې د مرکز له قوله راپور راکړ،د قدس د مسئلو  څيړاند زیاد ابحیص په یولړ څرګندونو کې ټينګار وکړ،  د  الاقصی جومات په داخل کې د فلسطینیو لمونځ ګوزارو  له اعتکاف څخه  د صهیونیسټي وحشي پوځیانو مخنیوی  د معمول قواعدو په خلاف  یو اقدام ؤ او مخکې په پنجشنبې او  جمعې ورځو  کې د اعتکاف اجازت ورکول کید.

 دغه حمله له دې وروسته شوې چې  کابو ۸۵ زره فلسطینیانو د روژې دمبارکې میاشتې د شپږمې ورځې د ماسخوتن او تراویح لمونځونه د الاقصی جومات په صحنونو کې اقامه کړل او دا په داسې حال کې دي چې صهیونیسټي پوځیانو د الاقصی مبارک جومات او قدس ښار ته د فلسطینیانو د رسیدا په لاره کې ډير زیات او سخت امنیتی تدبیرونه  اعمال کړي وو.

په قدس کې د اسلامی اوقافو ادارې په یوې اعلامیې کې وئيلي دي،څه دپاسه اتیا زره لمونځ ګوزارو،د پنجشنبې په ماښام د ماسخوتن او تراویح لمونځونه د الاقصی مبارک جومات په صحنونو کې اقامه کړی چې هغوي څخه زیاتره د نیواکی قدس او د ۱۹۴۸  کال د نیواکي ټاتوبو اوسیدونکي  وو.

دصهیونیسټ رژيم پوځیانو هم  د روژې دمبارکې میاشتې په رارسیدا سره په نیواکي قدس ښار او د الاقصی مبارک جومات په شاوخوا کې  خپل  لازیات پوځیان دیره کړي دي څو  به الاقصی جومات کې د فلسطیینانو  لمونځ ګوزارو  دشتون مخه ونیسي.

د فلسطین اسلامی مقاومتی غورځنګ حماس هم  پخپل وار  په دغې مبارکې میاشتې کې  له ټولو ظرفیتونو  څخه د استفادې او په الاقصی جومات کې د پراخ شتون او  په هغه کې د اعتکاف او  د کیښناستو غوښته کړې ده څو  دبندګۍ  لپاره ددغې مبارکې میاشتې له شپو ورځو څخه  او  له الاقصی جومات او د صهیونیستي دښمن او د صهیونیسټ میشته ښارګوټو دد اوسیدونکو په وړاندې د مقاومت څځه د ملاتړ  لپاره استفاده وشي.

https://iqna.ir/fa/news/4270236